لکھنؤ میں خاتون کا قتل کرکے بدمعاش نقدی لوٹ کر فرار

لکھنؤ: اترپردیش میں لکھنؤ کے اندرانگر علاقے میں کل رات بے خوف بدمعاشوں نے ایک مکان میں گھس کر دھاردار ہتھیار سے ایک خاتون کا قتل کردیا اور اس کی بیٹی کو زخمی کر دیا۔ بدمعاش گھر سے ہزاروں روپے نقد اور دیگر اشیاء لوٹ کر فرار ہو گئے ۔
پولیس ذرائع نے یہاں بتایا کہ اندرانگر علاقے کے لوہیا وہار میں رہنے والے دلیپ ڈے کے گھر رات کچھ بدمعاش گھس گئے ۔ اس وقت دلیپ کی بیوی شیلا ڈے (42) اور 12 سالہ بیٹی شروتی موجود تھی۔بدمعاشوں نے دونوں کوچاقو مار دیا جس سے شیلا کی موت ہو گئی جبکہ اس کی بیٹی کو سنگین حالت میں ہسپتال میں داخل کرا دیا گیا ہے ۔
انہوں نے بتایا کہ بدمعاش گھر سے پیسہ اور قیمتی سامان لوٹ کر لے گئے ۔ ہیں۔ پولیس انہیں تلاش کررہی ہے ۔