جون پور میں بارش کے دوران مکان کی دیوار گرنے سے دو ہلاک

جون پور: اترپردیش کے جون پور ضلع میں کل رات مکان کی دیوار گرنے سے ایک خاتون سمیت دو افراد ہلاک ہوگئے ہیں۔
پولیس ذرائع نے یہاں بتایاہے کہ برسٹھی علاقہ کے نگوہ بازار میں رات ایک مکان کی دیوار گرنے سے جواہر لال کی بیوی پھول کمار (55) کی دب کر موت ہوگئی ۔
علاوہ ازیں ضلع کے سکرارہ علاقہ کے ددولی گاؤں میں کچے مکان کی دیوار گرنے سے 50 سالہ حوالدار کی ملبہ میں دب کر موت ہوگئی۔ ضلع میں کئی مقامات پر برسات کی وجہ سے ہونے والے حادثات میں چار افراد کے زخمی ہونے کی خبر ہے ۔