زہرہ سہگل نے7 دہائی تک ناظرین کو دیوانہ بنایا،فلمی دنیا کی 4 نسلوں کے ساتھ کیا کام

ممبئی۔ غیر معمولی صلاحیت اور توانائی سے بھرپور زہرہ سہگل ایک ایسی اداکارہ تھیں جنہوں نے فلمی دنیا کی4 نسلوں پرتھوی راج کپور سے لے کر رنبیر کپور کے ساتھ بھی کام کیا۔ 27اپریل1912کو اترپردیش کے سہارنپور میں پیدا ہوئیں زہرہ کی زندگی کے تئیں جوش و جذبے اور ان کے دلفریب انداز کا کوئی جواب نہیں تھا۔

ہرہ سہگل جب ایک سال کی تھی تب ان کی بائیں آنکھ کی روشنی چلی گئی۔اس وقت 3 لاکھ پونڈ خرچ کر کے لندن کے ایک اسپتال میں علاج کرایا گیا اور آنکھ کی روشنی واپس آئی۔ زہرہ کی پڑھائی لڑکوں کے اسکول میں ہوئی تھی اس لئے ان کے مزاج میں کھلنڈراپن تھا۔ بتایا جاتا ہے کہ زہرہ اسکول کے دنوں میں درختوں پر چڑھ جایا کرتی اور لڑکوں جیسی شرارت کرتی تھیں ۔

زہرہ کا مطلب ہے نیک اور ہنر مند عورت۔ سال 1929ءمیں میٹرک اور 1933ءمیں گریجویئشن کی تعلیم مکمل کرنے کے بعد زہرہ نے رقاصہ بننے کے بارے میں سوچا ۔زہرہ نے جرمنی میں اودے شنكر کا شو پاروتی رقص دیکھا اور ان کے الموڑا اسکول میں شامل ہو گئیں۔ خواجہ احمد عباس نے زہرہ سہگل کو ’’ ہندوستان کی انساڈورا ڈنکن‘‘ کہا تھا۔

زہرہ سہگل نے7 دہائی تک ناظرین کو دیوانہ بنایا،فلمی دنیا کی 4 نسلوں کے ساتھ کیا کام
غیر معمولی صلاحیت اور توانائی سے بھرپور زہرہ سہگل ایک ایسی اداکارہ تھیں جنہوں نے فلمی دنیا کی4 نسلوں پرتھوی راج کپور سے لے کر رنبیر کپور کے ساتھ بھی کام کیا۔