شاہ رخ نے کی جم کر مہمان نوازی
نئی دہلی : اسٹار کرکٹر وراٹ کوہلی اور بالی ووڈ اداکارہ انوشکا شرما کی محبت اب کسی سے پوشیدہ نہیں ہے۔ دونوں اکثر ایک ساتھ نظر آتے ہیں۔ آج کل انوشکا شاہ رخ خان اسٹارر امتیاز علی کی فلم ‘دی رنگ کی شوٹنگ میں مصروف ہیں، انوشکا کا مصروف شیڈول دیکھ کر وراٹ خود فلم کے سیٹ پر ہی انوشکا سے ملنے پہنچ گئے۔
خبر وں کے مطابق شاہ رخ خان نے وراٹ کی مہمان نوازی کرنے میں کوئی کسر نہیں چھوڑی۔ ذرائع کے مطابق فلم کی پروڈکشن ٹیم کو کہا گیا تھا کہ وراٹ کی خاطر داری میں کوئی کمی نہیں ہونی چاہئے۔ یہی نہیں شاہ رخ خان نے خود وراٹ کے ساتھ کافی وقت گزارا۔ شاہ رخ کی مہمان نوازی سے وراٹ اور انوشکا دونوں کافی متاثر ہوئے۔
