مین پوری میں دو موٹر سائیکلوں کی ٹکر میں تین افراد ہلاک

مین پوری : اترپردیش میں مین پوری کے کراولي علاقے میں جی ٹی روڈ پر دو موٹر سائیکلوں کی ٹکر ہوجانے سے تین لوگوں کی موت ہو گئی اور دو دیگر لوگ شدید زخمی ہو گئے ۔

پولس کے مطابق اکبر پور جھالا کے باشندے شری کرشن یادو کی 17 سالہ بیٹی اوما اپنی تائی انارکلی (65) کے ساتھ موٹر سائیکل پر جمعرات کی شام کراولي سے دوا لے کر گاؤں لوٹ رہی تھی۔ اشوک پورنہر کی پلیا کے پاس مخالف سمت سے آنے والی موٹر سائیکل سے اس کی ٹکرا ہوجانے سے تائی اور بھتیجی کی موقع پر ہی موت ہو گئی۔
دوسری موٹر سائیکل پر سوار گاؤں کستورپور ہ ، ایٹہ کے باشندے سکھویر (35) کی موت ہو گئی۔ راجیش اور پرکاش اس حادثے میں شدید زخمی ہو گئے ۔