پشاور میں دھماکا، ایک ہی خاندان کے 5 افراد ہلاک 2 زخمی

پشاور کے علاقے بلال ٹاؤن میں مقامی ہوٹل کی چوتھی منزل پر گیس لیکیج کے باعث دھماکے کے نتیجے میں ایک ہی خاندان کے 5 افراد ہلاک جبکہ 2 زخمی ہوگئے۔

مقامی ہوٹل میں ہونے والے اس دھماکے کے بعد علاقے میں شدید خوف و ہراس اور افراتفری پھیل گئی۔

دھماکے کی اطلاع ملتے ہی بم ڈسپوزل اسکواڈ کی ٹیم کسی ممکنہ دہشت گردی کے پیش نظر فوراً پہنچ گئی، دھماکے کے بعد ہوٹل کی متاثرہ منزل پر آگ لگ گئی جس سے عمارت کے شیشے ٹوٹ گئے اور سامان جل گیا۔