جنسی اسکینڈل پر کارروائی نہ ہونے پر نوبل کمیٹی کے 3 ججز مستعفی

اس تنظیم کی 6 کمیٹٰیاں اور مجموعی طور پر اس کے 18 رکن یا ججز ہیں، جو انعام جیتنے والوں کا فیصلہ کرتے ہیں۔

خبر رساں ادارے ’اے ایف پی‘ کے مطابق نوبل کمیٹی کی ’ادب کمیٹی‘ کے 3 سینیئر اور اعلیٰ ارکان یا ججز نے 6 اپریل کو اپنے عہدوں سے احتجاجا استعفیٰ دیا۔

احتجاجا استعفیٰ دینے والے ججز میں ’کلاس اوسٹرگرین، جیل اسمپارک اور پیٹر انگلاڈ شامل ہیں، جو نہ صرف ادب کمیٹی کے رکن تھے، بلکہ سویڈن کے معروف لکھاری اور ادیب بھی ہیں۔

ان ممبران نے اپنے عہدوں سے مجبورا اس لیے استعفیٰ دیا کہ ادب کمیٹی کے ایک اعلیٰ ترین اور بااثر رکن کے خلاف خواتین کو جنسی طور پر ہراساں کرنے اور انہیں ’ریپ‘ کا نشانہ بنانے کی شکایات کے باوجود کوئی کارروائی نہیں کی جا رہی تھیں۔

خبر رساں ادارے کے مطابق نوبل کمیٹی میں خواتین کو جنسی طور پر ہراساں کرنے اور ’ریپ‘ کا نشانہ بنانے کی سب سے پہلی خبر سویڈن اخبار ’ڈیگنس نیئتر‘ نے دی تھی۔