کراچی۔ سیکیورٹی فورسیز کی مختلف شہروں میں کارروائیوں میں 37 دہشت گرد ہلاک ہو گئے۔ کراچی، کوئٹہ، اورکزئی ایجنسی، پشاور، ڈیرہ اسماعیل خان اور بنوں میں قانون نافذ کرنے والے اداروں نے دہشت گردوں کے خلاف کارروائیاںکرتے ہوئے 37 دہشت گرد مار گرائے۔
دہشت گردوں کے خلاف سیکورٹی فورسز نے بھرپور کریک ڈاؤن شروع کردیا۔ کراچی منگھو پیر میں رینجرز نے ایک کارروائی میں11 دہشت گرد مارد یئے۔
کاٹھورمیں رینجرز سے مقابلے میں 7 دہشت گرد جبکہ کوئٹہ کے سریاب روڈ پر ایف سی کی کارروائی میں2د ہشت گرد مارے گئے۔ اورکزئی ایجنسی میں 6 دہشت گرد اور بنوں کے علاقے بکہ خیل میں دہشت گردوں سے فائرنگ کے تبادلے میں 4 دہشت گرد مارے گئے۔
ادھرڈی آئی خان میں پولیس پر فائرنگ کرنے والے 2 ملزمان مقابلے میں ہلاک جبکہ پشاور کے علاقے ریگی للمہ میں پاک فوج اور پولیس کے آپریشن میں 3 دہشت گرد مارے گئے۔ سرگودھا میں مٹھہ معصوم کےقریب کارروائی میں2دہشت گردہلاک ہوئے۔
