ممبئی : بالی ووڈ کے دبنگ اسٹار سلمان خان نے جیکلین فرنانڈیز کی تعریف کی ہے ۔ سلمان خان کا کہنا ہے کہ جیکلین نے مادھوری دکشت کے مشہور گانے ‘ایک ، دو ، تین’کے ساتھ پورا انصاف کیا ہے ۔
ٹوئٹر پر ویڈیو کا لنک شیئر کرتے ہوئے سلمان نے لکھا ہے مجھے یہ گانا بے حد پسند آیا۔ جیکلن نے سروج جی کے ڈانس اسٹیپ پر اس گانے کے ساتھ پورا انصاف کیا ہے ۔
واضح رہے کہ ‘ایک ، دو ، تین’ کا ریمیک آنے والی فلم باغی -2 کا ایک حصہ ہے اور یہ گانا پرتیک ببر پر فلمایا گیا ہے ۔ یہ گانا بنیادی طور پر فلم تیزاب میں مادھوری دکشت پر فلمایا گیا تھا۔ اس کی کوریوگرافی سروج خان نے کی تھی۔
