جمعرات کے روز انٹرنیٹ پر خبروں سے متعلق چینی ویب سائٹوں کے حوالے سے ایک الم ناک وڈیو گرد میں رہی جس میں ایک باپ اپنے چھوٹے بچے پر گر کر اس کی موت کا ذریعہ بن گیا۔
وڈیو کلپ میں مذکورہ شخص چین کے جنوبی شہر کوانزو کی ایک سپر مارکیٹ میں موجودگی کے دوران اپنے بیٹے کے ساتھ ہلکے پھلکے انداز میں کھیل رہا تھا۔ اس دوران اس باپ نے اپنی کمر کے پیچھے کھڑے بچے کے ہاتھوں کو دونوں ہاتھوں سے پکڑ لیا اور آگے پیچھے چلنے لگا۔ چند سیکنڈوں بعد باپ کا توازن بگڑ گیا اور وہ اچانک پیچھے کی جانب بچے کے سر پر گر پڑا۔ اس کے نتیجے میں غالبا بچے کی گردن کی ہڈی ٹوٹ گئی اور وہ فوری طور پر دم توڑ گیا۔
وڈیو کے ساتھ والدین کو انتباہی پیغام بھی دیا جا رہا ہے کہ وہ بچوں کے ساتھ کھیلتے ہوئے اس طرح کی حالت اپنانے سے خبردار رہیں جس کے نتیجے میں الم ناک حادثہ رونما ہو سکتا ہے۔
