گونڈا میں آگ سے تین جھلسے ،لاکھوں روپے کا نقصان

گونڈا:اترپردیش میں گونڈا کے گورکھپور علاقے میں چراغ جلاتے وقت لگی آگ سے دکان اور گھر میں رکھا لاکھوں روپے کا سامان جل کر راکھ ہوگیا اور آگ بجھانے کی کوشش میں تین افراد جھلس گئے ۔پولیس ذرائع نے آج یہاں بتایا کہ قصبہ بازار میں وید پرکاش کی دکان کے پیچھے ہی اس کا مکان ہے ۔اس کی بیٹی کل رات پوجا کرنے کے لئے چراغ جلا رہی تھی کہ اچانک چراغ سے اٹھی چنگاری سے گھر میں آگ لگ گئی اور دیکھتے ہی دیکھتے آگ پھیل کر دکان تک بھی چلی گئی ۔آگ سے دکان اور گھر میں رکھا لاکھوں روپے کا سامان جل کر خاک ہوگیا۔کافی مشقت کے بعد آگ پر قابو پایا جاسکا۔
انہوں نے بتایا کہ زخمیوں کا اسپتال میں علاج کرایا جارہا ہے ۔آگ سے نقصان کا اندازہ کیا جارہا ہے ۔