اورنگ آباد : اورنگ آباد میں سی آئی ایس ایف کے جوان نے اپنے ساتھیوں پرہی گولیاں برسائی جس سے چار جوانوں کی موت ہو گئی۔
بہار میں اورنگ آباد ضلع کے نراري خرد تھانہ حلقہ کے نوي نگر پاور جنریٹنگ کمپنی میں آج سنٹرل انڈسٹریل سیکورٹی فورس (سی آئی ایس ایف) کے ایک جوان نے اپنے ہی چار ساتھیوں کی گولي مار کر قتل کردیا۔
پولیس سپرنٹنڈنٹ ستيہ پركاش نے یہاں بتایا کہ نوی نگر پاورجنریٹنگ کمپنی کی حفاظت کے لئے تعینات فورس کے جوان بلوير سنگھ نے فائرنگ کردی جس میں فورس کے اہلکار بچہ شرما اور اے این گپتا کی موقع پر ہی موت ہو گئی جبکہ جی ایس رام اور اروند کمار شدید زخمی ہو گئے۔ زخمی دونوں جوانوں کی ہسپتال لے جانے کے دوران ہی موت ہو گئی۔
پولیس سپرنٹنڈنٹ نے کہا کہ جوان بلوير کو گرفتار کر لیا گیا ہے۔ بادی النظر میں ایسا محسوس ہوتا ہے کہ مسٹر سنگھ کا اپنے ساتھیوں کے ساتھ اندرونی تنازعہ تھا۔ تاہم انہوں نے اس سلسلے میں فی الحال کچھ بھی بتانے سے انکار کر دیا۔
