Skip to content
کینیڈا کی پولیس نے تصدیق کی ہے کہ جونیئر آئس ہاکی ٹیم کی بس اور ٹرک میں تصادم کے نتیجے میں 14 افراد ہلاک ہو گئے ہیں۔
پولیس کا کہنا ہے کہ جمعہ کی شام کو ہمبلٹ برونکس نامی جونیئر آئس ہاکی ٹیم کی بس اور ٹرک میں حادثہ ہائی وے پر ہوا۔
پولیس کا کہنا ہے کہ بس میں 28 افراد سوار تھے جن میں سے ڈرائیور سمیت 14 افراد ہلاک ہوئے ہیں۔
زخمیوں کو ہسپتال منتقل کیا گیا ہے جن میں سے تین کی حالت تشویشناک ہے۔
ہمبلٹ برونکس کی ٹیم ایک میچ کے لیے جا رہی تھی۔
اس ٹیم میں کھلاڑیوں کی عمریں 16 اور 21 سال کے درمیان ہیں۔
پولیس کے سربراہ کا کہنا ہے کہ امدادی کام جاری ہیں اور معلومات کے لیے سینٹر قائم کر دیا گیا ہے۔
برونکس کے ایک کھلاڑی کے والد نے مقامی میڈیا کو بتایا کہ ایک کرین نے بس کو اٹھایا۔
