بی سی سی  آئی  کی آئی سی سی کو وارننگ

چمپئنز ٹرافی سے لے سکتے ہیں نام واپس
ممبئی : کرکٹ مداحوں کے لئے ایک بری خبر ہے۔ انٹرنیشنل کرکٹ کونسل آئی سی سی کے متعصبانہ رویہ سے ہندوستانی کرکٹ کنٹرول بورڈ بی سی سی آئی ناراض ہے۔ ایک انگریزی اخبار کے مطابق بی سی سی آئی نے آئی سی سی کو دھمکی دی ہے کہ وہ انگلینڈ میں ہونے والے چیمپئنز ٹرافی -2017 سے اپنا نام واپس لے لے گا۔
خبر کے مطابق آئی سی سی کی فائنانس کمیٹی کی میٹنگ میں بی سی سی آئی کو شامل نہیں کیا گیا تھا، جس کو لے کر بی سی سی آئی اور آئی سی سی کے درمیان دوریاں مزید بڑھ گئی ہیں۔ بی سی سی آئی کے سکریٹری اجے شركے نے میٹنگ میں شامل نہیں کئے جانے کو بی سی سی آئی کی بے عزتی قرار دیا ۔ انہوں نے کہا کہ اس طرح کی میٹنگ میں ہی تمام ضروری فیصلے لئے جاتے ہیں۔ اس میں نمائندگی نہیں ہونی ہماری بے عزتی ہے۔ ایسے میں ہم چیمپئنز ٹرافی سے نام بھی واپس لے سکتے ہیں۔ اگرچہ ہمارے پاس اور بھی اختیارات ہیں تو شاید اس کی نوبت نہیں آئے ۔ خیال رہے کہ آئی سی سی نے ٹرافی کے لئے انگلینڈ کو 135 ملین امریکی ڈالر کا بجٹ دیا جبکہ گزشتہ سال ہندوستان منعقد ہوئے ٹی -20 ورلڈ کپ کے لئے ہندوستان کو صرف 45 ملین امریکی ڈالر ہی دیے گئے تھے۔ اسی بات پر بی سی سی آئی اور آئی سی سی آمنے سامنے ہے۔