افغانستان: ہلمند میں کار بم دھماکے سے 13 ہلاک، 40 زخمی

اے ایف پی کو ہلمند کے صوبائی پولیس کے ترجمان کا کہنا تھا کہ ‘کار بم دھماکا لشکر گاہ سٹی میں اسٹیڈیم کے دروازے کے پاس ہوا’۔

ان کا کہنا تھا کہ ابتدائی طور پر 2 شہری جاں بحق اور دیگر 20 زخمی ہوئے تھے جبکہ امدادی کاموں میں سرگرم اٹلی کی این جی کے مطابق 4 افراد ہلاک اور 35 زخمی ہوگئے جنھیں شہر کے ہسپتال منتقل کردیا گیا۔

یاد رہے کہ دو روز قبل افغانستان کے دارالحکومت کابل میں نئے فارسی سال کی خوشی میں معروف بزرگ سخی کے مزار میں ہونے والی تقریب میں خودکش حملے کے نتیجے میں 26 افراد ہلاک ہوگئے تھے۔