افغانستان میں جمعہ کی نماز کے دوران شیعہ مسجد کے نزدیک بم دھماکہ ، 20 افراد کی موت

کابل: مشرق افغانستان میں جمعہ کی نماز کے دوران ایک شیعہ مسجد کے نزدیک ہوئے خودکش حملے میں 20 افراد ہلاک ہوگئے۔ گردیز شہر میں ہوئے اس دھماکہ میں اب تک کسی دہشت گرد گروپ نے ذمہ داری قبول نہیں کی ہے۔افغان نشریاتی ادارے طلوع نیوز کی رپورٹ کے مطابق پکتیا پولیس کا کہنا تھا کہ گردیز شہر میں نماز جمعہ کے موقع پر مسجد کے اندر دھماکا ہوا۔

دھماکے کے فوری بعد امدادی ٹیمیں اور سیکورٹی فورسز موقع پر پہنچ گئیں اور جائے وقوع سے شواہد اکھٹا کرنا شروع کردیے تاہم ابھی تک کسی گروپ نے دھماکے کی ذمہ داری قبول نہیں کی۔

خیال رہے کہ افغانستان کافی عرصے سے بدامنی کا شکار ہے اور آئے روز افغان دارالحکومت سمیت مختلف صوبوں میں بم دھماکے اور حملے کیے جاتے ہیں جن میں غیر ملکی افواج سمیت مقامی سیکیورٹی فورسز کو نشانہ بنایا جاتا ہے۔