ویشالی میں سڑک حادثے میں ایک نوجوان کی موت،دو زخمی

حاجی پور:بہار میں ضلع ویشالی کے بھگوان پور تھانہ علاقے میں آج صبح ٹرک اور موٹر سائکل کی ٹکر میں ایک نوجوان کی موت ہوگئی اور دو دیگر شدید طور پر زخمی ہوگئے ۔
پولیس ذرائع نے یہاں بتایا کہ ایک ہی موٹر سائکل پر سوار ہوکر تین افراد پٹنہ سے مظفر پور کے سمت جارہے تھے اسی وقت قومی شاہراہ نمبر 31پر بھگوان پور اڈے کے نزدیک مختلف سمت سے آنے والے ایک ٹرک نے انہیں ٹکر ماردی۔حادثے میں مکو کمار(16)کی موقع پر ہی موت ہوگئی اور دو دیگر شدید طور پر زخمی ہوگئے ۔متوفی سیتا مڑھی ضلع کے نگر تھانہ علاقے کے چروت گاؤں کا رہنے والا تھا۔
ذرائع نے بتایا کہ زخمیوں کو نازک حالت میں علاج کے لئے پٹنہ میڈیکل کالج اسپتال بھیج دیا گیا ہے ۔حادثے کے بعد ٹرک ڈرائیور فرار ہوگیا۔حادثے کی مخالفت میں مقامی لوگوں نے تقریباً چارگھنٹے تک حاجی پور-مظفر پور سڑک کو جام کردیا تھاجسے پولیس نے ختم کروا دیا۔