مدھوبنی میں ٹرک نے بس میں ٹکر ماری ،14سے زیادہ مسافر زخمی

مدھوبنی:بہار میں ضلع مدھوبنی کے جھنجھار پور تھانہ علاقے میں آج بس اور ٹرک کے درمیان ہوئی ٹکر میں 14سے زیادہ مسافر زخمی ہوگئے ۔پولیس ذرائع نے یہاں بتایا کہ سپول ضلع کے تریوینی گنج سے مسافروں کو لے کر دربھنگا جانے والی ایک بس میں قومی شاہراہ نمبر 57پر موہنا چوک کے نزدیک مسافر چڑھ رہے تھے اسی وقت پیچھے سے آنے والے ایک بے قابو ٹرک نے بس میں ٹکر مار دی۔حادثے کے بعد بس سڑک کے کنارے پلٹ گئی جس میں 14سے زیادہ افراد زخمی ہوگئے ۔ذرائع نے بتایا کہ زخمیوں میں سے دس کو فوراً جھنجھار پور کے پرائیمری ہیلتھ سینٹر میں داخل کرایاگیا ہے جبکہ معمولی طور پر زخمی لوگوں کو مرہم پٹی کے بعد رخصت کر دیا گیا ہے ۔حادثے کے بعد دونوں گاڑیوں کے ڈرائیور موقع سے فرار ہوگئے ۔پولیس نے گاڑیوں کو ضبط کرلیا ہے ۔