اتھوپیا میں ہوئی جھڑپوں میں سو افراد ہلاک

جوہانسبرگ،   افریقی ملک اتھوپیا کے مختلف حصوں میں مظاہرین اور سلامتی دستوں کے درمیان ہوئی جھڑپوں میں اواخر ہفتہ تک کم از کم سو افراد مارے جاچکے تھے ۔انسانی حقوق تنظیم ایمنسٹی انٹرنیشنل نے کہا ہے کہ تشدد کے سب سے زیادہ واقعات بہیر ڈار صوبہ میں ہوئیں جہاں اتوار کو کم از کم 30 افراد ہلاک ہوئے تھے ۔ قبل ازیں مقامی افسران نے بتایا تھا کہ بہیر ڈار میں مطاہرین کے تشدد پر آمادہ ہونے کے بعد سلامتی دستوں کی کارروائی میں سات افراد ہلاک ہوئے ۔ قابل ذکر ہے کہ حالیہ مہینوں میں اتھوپیا میں سیاسی اور معاشی عدم استحکام کی وجہ سے احتجاجی مظاہروں میں تیزی آئی ہے ۔