غربت کو مات ، الہ آباد کا نام روشن کیا
یوں تو مسلم بچیاں سماج کے مختلف میدانوں میں اپنی صلاحیتوں کا بھر پور مظاہرہ کر رہی ہیں ، لیکن الہ آباد کی عائشہ سعید نے سول سروس کی مشکل ترین سمجھی جانے والی برانچ انڈین اسٹیٹیکل سروس ( آئی ایس ایس ) میں پہلی مرتبہ پورے ملک میں پہلی پوزیشن حاصل کرکے ایک نئی تاریخ رقم کی ہے۔عائشہ سعید نے یہ غیر معمولی کامیابی انتہائی معاشی مشکلات کا سامنا کرتے ہوئے حاصل کی ہے ۔عائشہ سعید کی محنت اور لگن کی ہر کوئی تعریف کر رہا ہے ۔
کل تک ایک گمنام لڑکی کے طور سے زندگی گزارنے والی الہ آباد کی عائشہ سعید آج ملک کا ایک معروف نام بن گیا ہے ۔عائشہ سعید پہلی ایسی مسلم خاتون بن گئی ہیں ، جس نے انڈین اسٹیٹیکل سروس کے امتحان میں پہلی پوزیشن حاصل کی ہے ۔
غیر معمولی ذہانت کی حامل عائشہ سعید نے یہ انتہائی مشکل مرحلہ صرف ایک بار میں ہی حاصل کرلیا ۔