پٹرول 1.46 روپے اور ڈیزل 1.53 روپے فی لیٹر سستا
نئی دہلی۔ پٹرول 1.46 روپے اور ڈیزل 1.53 روپے فی لیٹر سستا ہو گیا ہے۔ پٹرول کی قیمتیں چھ بار اور ڈیزل کی قیمتیں مسلسل تین بار بڑھائے جانے کے بعد آج نصف شب سے ان کی قیمتوں میں بالترتیب 1.46 روپے اور 1.53 روپے فی لیٹر کی کمی کی گئی ہے۔
اس میں ریاستی حکومتوں کی طرف سے لگائے جانے والے ٹیکس ویٹ میں ہوئی کمی شامل نہیں ہے۔ ویٹ سمیت قومی دارالحکومت دہلی میں پٹرول 1.69 روپے اور ڈیزل 1.70 روپے سستا ہو گیا ہے۔ اس طرح آج نصف شب سے یہاں پٹرول 67.62 روپے کی جگہ 65.93 روپے فی لیٹر ملے گا۔ ڈیزل کی قیمت 1.70 روپے کم ہوکر 56.41 روپے فی لیٹر کی جگہ اب 54.71 روپے ہو گئی ہے۔
ملک کی سب سے بڑی تیل مارکیٹنگ کمپنی انڈین آئل کارپوریشن نے آج بتایا کہ بین الاقوامی مارکیٹ میں پٹرول اور ڈیزل کے قیمت اور ڈالر کے مقابلے روپے کی شرح تبادلہ میں اتار چڑھاو کے پیش نظر دونوں ایندھنوں کی قیمتوں میں تبدیلی کی گئی ہے۔
اس سے پہلے یکم ستمبر سے 06 نومبر کے درمیان چھ بار میں پٹرول کی قیمت میں 7.53 روپے کا اضافہ ہوا تھا۔ دہلی میں 06 نومبر کو ویٹ سمیت اس کی قیمت 1.17 روپے بڑھائی گئی تھی۔ ڈیزل کی قیمت 05 اکتوبر سے 06 نومبر کے درمیان تین بار میں 3.90 روپے بڑھی تھی۔ قومی دارالحکومت میں 06 نومبر کو ڈیزل کی قیمت میں 1.03 روپے فی لیٹر کا اضافہ ہوا تھا۔
پٹرول 1.46 روپے اور ڈیزل 1.53 روپے فی لیٹر سستا
قیمت میں تبدیلی کے بعد ملک کے چار بڑے شہروں میں دونوں ایندھنوں کی قیمت ( فی لیٹر میں) اس طرح رہے: ۔
پٹرول
شہر ۔۔۔۔۔۔۔۔ پرانی قیمت ۔۔۔۔۔۔۔۔ نئی قیمت
دہلی ۔۔۔۔۔۔۔۔۔۔ 67.62 ۔۔۔۔۔۔۔۔۔۔۔۔۔ 65.93
کولکتہ ۔۔۔۔۔۔۔ 70.24 ۔۔۔۔۔۔۔۔۔۔۔۔۔ 68.67
ممبئی ۔۔۔۔۔۔۔۔۔۔۔ 74.00 ۔۔۔۔۔۔۔۔۔۔۔۔۔ 72.29
چنئی ۔۔۔۔۔۔۔۔۔۔ 67.13 ۔۔۔۔۔۔۔۔۔۔۔۔۔ 65.41
ڈیزل
شہر ۔۔۔۔۔۔۔۔ پرانی قیمت ۔۔۔۔۔۔ ۔۔۔ نئی قیمت
دہلی ۔۔۔۔۔۔۔۔۔۔ 56.41 ۔۔۔۔۔۔۔۔۔۔۔۔۔ 54.71
کولکتہ ۔۔۔۔۔۔۔ 58.67 ۔۔۔۔۔۔۔۔۔۔۔۔۔ 56.95
ممبئی ۔۔۔۔۔۔۔۔۔۔۔ 62.15 ۔۔۔۔۔۔۔۔۔۔۔۔۔ 60.32
چنئی ۔۔۔۔۔۔۔۔۔۔ 58.02 ۔۔۔۔۔۔۔۔۔۔۔۔۔ 56.24
