ہالی وڈ کی مشہور و معروف اسپائی فلم سیریز جیمز بانڈ کی 25 ویں فلم سے جڑی ہر چھوٹی بڑی خبر آج کل مداحوں کی
دلچسپی کا مرکز بنی ہوئی ہے جبکہ فلم کا بھی بے چینی سے انتظا کیا جا رہا ہے۔
سیریز کی 25 ویں فلم میں 5 ویں بار جہاں برطانوی اداکار ڈینیل کریگ پھر سے جاسوس کا کردار ادا کریں گےوہیں اب اس فلم سے جڑی ایک اور خبر منظرِ عام پر آئی ہے جس میں بتا یا جا رہا ہے کہ بونڈ 25میں خاتون ولن کے روپ میں دکھائی دیں گی۔
صرف یہی نہیں بلکہ ا س فلم کے ڈائریکٹر کا بھی اعلان کر دیا گیا ہے اور Danny Boyle اس فلم کی ہدایتکاری کے فرائض نبھائیں گے۔
جیمز بانڈ کی 25 ویں فلم میں خاتون ولن
پہلے خبریں گردش کر رہی تھیں کہ جیمز بانڈ میں ولن کا کردار ایک خاتون ادا کریں گی اور اس کے لیے معروف اداکارہ انجلینا جولی کا نام لیا جا رہا تھاتاہم اب انجلینا جولی کی جگہ52 سالہ اداکارہ ہیلینا کارٹر کا نام طاقتور ولن کے طور پر سامنے آیا ہے لیکن ابھی اس حوالے سے فلم کی ٹیم نے حتمی اعلان نہیں کیا۔
ہیلینا کارٹر اس سے قبل معروف فنٹیسی سیریز ہیری پورٹرکی 4 فلموں سمیت دیگر فلموں میں منفی اور ولن کے کردار ادا کرچکی ہیں۔
جیمز بانڈ کی 25 ویں فلم میں خاتون ولن
واضح رہے کہ جیمز بانڈ کی 25 ویں فلم کو نومبر 2019 میں ریلیز کیا جائے گاجبکہ ابھی اس فلم کا نام رکھا گیا ہے۔ اس سیریز کی 24 ویں فلم ’اسپیکٹر‘2015 میں ریلیز کی گئی تھی اوراب 3 سال بعد اس کی 25 ویں فلم ریلیز کی جائے گی۔
