کنٹینر اور بائک کی ٹکر میں ایک کی موت دو زخمی

بیتول: مدھیہ پردیش کے بیتول ضلع کے قومی شاہراہ 69 پر جامٹھی کے نزدیک کنٹینر اور موٹر سائیکل کی ٹکر میں ایک شخص ہلاک دو زخمی ہوگئے ۔پولیس ذرائع کے مطابق ٹگریا گاؤں میں رہنے والے دیوندر (25) کل رات اپنے دو ساتھیوں کے ہمراہ موٹر سائیکل سے اپنے گاؤں واپس لوٹ رہا تھا تبھی جامٹھی کے نزدیک کنٹینر نے بائک کو ٹکر ماردی ۔ حادثہ میں دیوندر کی موقع پر ہی موت ہوگئی جبکہ دو افراد زخمی ہوگئے جنہیں ہسپتال میں داخل کرایا گیا ہے ۔حادثہ کے بعد پاڈھر پولیس نے کنٹینر کو ضبط کرلیا ہے ۔