سڑک حادثے میں پانچ افراد ہلاک

جے پور:راجستھان کے ضلع جودھپور میں کل رات بھاوی کے نزدیک دو کاروں کی ٹکر میں ایک خاتون اور اس کے تین بچوں کی موت ہوگئی اور اس حادثے میں زخمی اس کے شوہر نے آج صبح جودھپور کے ایک اسپتال میں دم توڑ دیا۔بلاڑا تھانہ ذرائع کے مطابق اجمیر سے ایک ہی کنبہ کے پانچ افراد نینو کار سے جودھپور جارہے تھے اور بھاوی کے نزدیک ان کی کار سامنے سے آرہی دوسری کار سے ٹکرا گئی۔اس حادثے مین نینو کار میں سوار تین بچے اور ان کی ماں کی موقع پر ہی موت ہوگئی۔اس حادثے میں کار ڈرائیور راجو بنجارہ بری طرح زخمی ہوگیا اور پولیس نے اس ے نازک حالت میں دیر رات جودھپور اسپتال پہنچایا جہاں اس کی بھی موت ہوگئی۔پولیس نے تمام لاشیں بلاڑا اسپتال کے مردہ گھر میں رکھوا دی ہیں۔