سارن میں مچھلی کے جال میں ایک خاتون کی لاش

چھپرا:بہار میں ضلع سارن کے دگھوارا تھانہ علاقے میں سیلاب کے پانی میں لگائے گئے مچھلی پکڑنے والے جال میں ایک خاتون کی لاش پھنس گئی۔
پولیس ذرائع نے یہاں بتایا کہ مقامی لوگوں کی اطلاع پر رانت پور گاؤں کے نزدیک سیلاب کے پانی میں مچھلی پکڑنے والے جال میں ایک 20سالہ خاتون کی لاش آکر پھنس گئی۔ہلاک شدہ کی شناخت ابھی نہیں ہوسکی ہے ۔
ذرائع نے بتایا کہ خاتون کے جسم پر چوٹ کے نشان پائے گئے ہیں اس سے معلوم ہوتا ہے کہ اس کا قتل کرکے لاش کو پانی میں پھینک دیا گیا ہے ۔لاش پوسٹ مارٹم کے لئے چھپرا صدر اسپتال بھیج دی گئی ہے ۔پولیس معاملے کی تفتیش کررہی ہے ۔