سمستی پور میں ٹرین کے ایک ڈبے سے اسلحہ برآمد

سمستی پور:بہار میں مشرقی وسطی ریلوے کے سمستی پور ریلوے اسٹیشن پر ایک ٹرین سے پولیس نے چھ پستول برآمد کی ہیں۔
مظفر پور کے ریلوے پولیس سپرنٹنڈنٹ بی این جھا نے آج آج بتایا کہ خفیہ اطلاع کی بنیاد پر سمستی پور ریلوے پولیس نے کولکاتہ سے گوکھپور جانے والی پوروانچل ایکسپریس ٹرین کے ایک جنرل ڈبے میں کل رات چھاپہ مارا۔اس دوران ایک تھیلے میں چھپاکر رکھی گئی نائن ایم ایم کے چھ پستول برآمد کئے گئے ۔
مسٹر جھا نے بتایا کہ برآمد شدہ پستول غالباً اسمگلنگ کے لئے مغربی بنگال سے اترپردیش لے جائے جارہے تھے ۔حالانکہ چھاپے کی بھنک ملتے ہی اسمگلر فرار ہوگئے ۔اس سلسلے میں سمستی پور ریلوے تھانہ میں معاملہ درج کیاگیا ہے ۔