چین میں کان میں آگ لگنے سے 12 کی موت

بیجنگ: چین کے شمال مغربی علاقہ میں ایک کان میں آگ لگنے سے تین راحت کارکنوں سمیت 12 افراد ہلاک ہوگئے ہیں۔
مقامی افسران نے بتایا ہے کہ گنسو صوبہ کے ہانگ یے میں چونا پتھر کی ایک کان میں کل شام آگ لگ گئی جس میں یہاں کام کرنے والے 9 لوگ پھنس گئے ۔
فائر برگیڈ اور راحت کارکن موقع پر پہنچ کر آگ پر قابو پانے کی کوشش کررہے تھے جس میں تین راحت کارکن سنگین طور پر جھلس گئے اور بعد میں علاج کے دوران ہسپتال میں چل بسے ۔