جنوبی چین  کے سمندر تنازعہ میں نہ پڑے ہندوستان

چین کی وارننگ
بیجنگ۔ چین کی سرکاری میڈیا نے کہا ہے کہ وزیر خارجہ وانگ ای کے نئی دہلی کے دورے کے دوران جنوبی چین کے سمندر تنازعہ میں ہندوستان کو ‘غیر ضروری طور پر نہیں پڑنا چاہئے’ تاکہ یہ دو طرفہ تعلقات کو متاثر کرنے والا ایک اور سبب نہ بنے۔سرکاری اخبار ‘گلوبل ٹائمز’ نے ایک مضمون میں کہا، ‘ہندوستان اگر اقتصادی تعاون کے لئے اچھا ماحول بنانا چاہتا ہے تو اسے وانگ کے سفر کے دوران جنوبی چین سمندر کی بحث میں غیر ضروری طور پر پڑنے سے گریز کرنا چاہئے۔ ہندوستان کے ساتھ اقتصادی تعاون میں ہندوستان میں تیار کردہ مصنوعات چین میں برآمد ہونے پر اس پر فیس کی شرح کو کم کرنا شامل ہے۔
مضمون میں کہا گیا ہے کہ ‘علاقائی مجموعی اقتصادی شراکت داری پر ہونے والی بات چیت کے دوران ہندوستان چین میں بنی مصنوعات پر فیس کی شرح میں معمولی کمی کی اجازت دے سکتا ہے کیونکہ وہ اپنے گھریلو صنعتوں کو محفوظ رکھنے کی کوشش کرے گا۔ اگر ہندوستان یہ امید کرتا ہے کہ چین فیس کی شرح کو کم کرنے میں زیادہ سخاوت دکھائے تو اس کے لئے اس وقت چین کے ساتھ اپنے تعلقات کو بگاڑنا سمجھداری نہیں ہوگی۔