لاس اینجلس: امریکہ کی لاس اینجلس ریاست کے خشک سالی سے متاثرہ شمال مغربی علاقے میں تیزی سے پھیل رہی جنگل کی آگ میں جھلسکر ایک شخص کی موت ہو گئی اور 18 گھر تباہ ہو چکے ہیں جبکہ آگ نے سینکڑوں لوگوں کو اپنا گھر چھوڑنے پر مجبور کر دیا ہے ۔
فائر ڈیپارٹمنٹ کے حکام نے بتایا کہ تیز ہواؤں اورخشک سالی کی وجہ سے آگ ابھی تک 22،000 ایکڑ یا 34 مربع میل سے زیادہ رقبہ میں پھیل چکی ہے ۔ آگ کی وجہ سے ایک شاہرہ بند کر دی گئی ہے ۔
کل دیر شام ایک جلی ہوئی گاڑی سے ایک نامعلوم شخص کی لاش برآمد ہوئی۔
فائر محکمہ کے ملازمین کو آگ کو قابو کرنے میں مشکلات کا سامنا کرنا پڑ رہا ہے ۔ ابھی تک صرف دس فیصد حصے میں ہی آگ پر قابو پایا جا سکا ہے ۔ آگ لگنے کی وجوہات کا پتہ لگایا جارہا ہے ۔ جمعہ کو تقریبا 2 بجے لگی آگ تیزی سے لاس اینجلس سے 65 کلومیٹر دور شمال مغرب میں واقع سانتا کلارتا تک پھیل گئی جس کی وجہ سے 1500 لوگوں کو وہاں سے بے گھر ہونا پڑا ہے .۔آگ اب سانتا کلارتا کے قریب چھوٹی کمیونٹیز کے لئے بھی خطرہ بنی ہوئی ہے ۔ آگ کے راستے میں آنے والے تقریبا 100 کاروباری عمارتوں کو بھی خالی کرنے کے احکامات دیے گئے ہیں۔
جنوبی کیلی فورنیا کے جنگلوں میں لگی آگ کی وجہ سے لاس اینجلس کے زیادہ تر علاقوں میں آسمان میں سیاہ دھواں چھا گیا ہے ۔ انتظامیہ نے علاقے میں لوگوں کو آگ کی وجہ سے پھیلے دھوئیں سے بچنے کے لئے صلاح جاری کی ہے ۔
لاس اینجلس کاؤنٹی کے فائر ڈیپارٹمنٹ کے سربراہ ڈیري اوسبي نے بتایا کہ جنگل میں پھیلی آگ کی وجہ سے صرف ایک رات میں ہی 11000 ایکڑ میں پھیلا جنگل جل کر خاک ہو گیا۔
انہوں نے بتایا کہ فائر ڈیپارٹمنٹ کے 1600 ملازمین 28 ہیلکاپٹروں کی مدد سے آگ بجھانے کے کام میں لگے ہوئے ہیں۔
