نئی دہلی۔ گوا ایئر پورٹ پر آج صبح جیٹ ایئر ویز کا ایک طیارہ رن وے پر ہی حادثے کا شکار ہو گیا۔ دراصل رن وے پر کھڑا جیٹ ایئر ویز کا طیارہ ممبئی کے لئے پرواز کرنے ہی والا تھا کہ اچانک طیارے کا پہلا وہیل رن وے پر ہی پھسل گیا۔ حادثے کے بعد طیارہ کے اگلے حصے سے اچانک دھواں نکلنے لگا، لیکن غنیمت رہی کہ پائلٹ کی سوجھ بوجھ سے ایک بڑا حادثہ ہوتے ہوتے ٹل گیا۔
بتایا جا رہا ہے کہ طیارے کا پائلٹ کہرے کا اندازہ نہیں لگا پایا جس کی وجہ سے ہوائی جہاز رن وے سے آگے چلا گیا اور ایک دیوار سے ٹکرا گیا۔ طیارے کو روکنے کے لئے پائلٹ کو اچانک بریک لگانا پڑا جس کی وجہ سے پلین کا پہلا ٹائر پھٹ گیا۔ پلین میں 7 عملہ ممبر سمیت کل 161 افراد سوار تھے جن میں سے تقریبا 20 سے 25 مسافروں کے زخمی ہونے کی خبر ہے۔
فی الحال حادثے کے بعد گوا کا دھابولم ایئرپورٹ دوپہر ساڑھے بارہ بجے تک کے لئے بند کر دیا گیا ہے اور یہاں کی تمام پروازیں منسوخ کر دی گئی ہیں جس کی وجہ سے مسافروں کو کافی پریشانی اٹھانی پڑ رہی ہے۔ شہری ہوا بازی کے ڈائریکٹوریٹ جنرل نے حادثے کی تحقیقات کا حکم دیا ہے. جیٹ ایئر ویز نے بیان جاری کر کہا ہے کہ مسافروں کو ممبئی پہنچانے کے لئے دوسرے تصفیہ کئے جا رہے ہیں.
