نئی دہلی۔ نوٹ تبدیل کرانے کے لئے بینکوں میں آج شہریوں کا ہجوم پہنچ پانچ گیا۔ بینک کھلنے سے پہلے کئی گھنٹے پہلے ہی لوگ نوٹ تبدیل کرانے کی فکر میں تمام بینکوں کی شاخوں کے سامنے طویل لائنوں میں لگے دکھائی دئے۔ سو اور ایک ہزار روپے کے نوٹ اچانک بند ہو جانے کے بعد لوگوں کو درپیش کیش کی دقتیں آج کچھ حد تک دور ہونے کی امید ہیں۔ ایک دن کی تیاری کے بعد آج سے ملک بھر کے تمام بینک کھل گئے۔ لوگوں کی ضرورت کو دیکھتے ہوئے پانچ سو اور ہزار کے پرانے نوٹ تبدیل کرنے کے لئے آر بی آئی نے خصوصی انتظام کیا ہے جس کے تحت لوگ 500 اور 1000 کے نوٹ بدلوانے کے لئے بینک پہنچے۔
بڑی تعداد میں لوگوں کے پہنچنے سے بینکوں میں افرا تفری کا ماحول ہے۔ وہیں ملک بھر کے ڈاک خانوں میں بھی لوگوں کی بھاری بھیڑ جٹ رہی ہے۔ دہلی کے سب سے قدیم گول ڈاک خانہ میں لوگ اپنے بڑے نوٹ بدلوانے کے لئے پہنچے ہیں۔ یہی حال دیگر پوسٹ آفسوں میں بھی دیکھا جا سکتا ہے۔ وہیں دو ہزار روپے کے نوٹ لوگوں کو ملنے شروع ہو گئے ہیں۔
آر بی آئی کی ہدایات کے مطابق ملک کے تمام بینک آج اور کل دو گھنٹے سے زیادہ کام کریں گے یعنی بینک صبح 10 سے لے کر رات 8 بجے تک کھلے رہیں گے۔ اس کے علاوہ ہفتہ اور اتوار کو بھی بینک کھلے رہیں گے۔ آج سے لوگ 500 اور 1000 کے نوٹ جمع کرا سکتے ہیں جس کے بدلے انہیں 500 اور 2000 کے نئے نوٹ اور دوسرے چھوٹے نوٹ مہیا کرائے جائیں گے۔ اکاؤنٹ ہولڈر جہاں ایک دن میں 10 ہزار روپے نکال سکتے ہیں وہیں اکاؤنٹ نہ ہونے پر 4 ہزار روپے تک کے نوٹ بدلے جا سکتے ہیں۔ ایسے صارفین کو اپنے ساتھ شناختی کارڈ اور آدھار نمبر ساتھ لے کر جانا ہو گا۔
وزیر خزانہ کے مطابق بینکوں کو دستیاب کرنسی مہیا کرائی جا رہی ہے لیکن کیش کی قلت مکمل طور پر دور ہونے میں دو سے تین ہفتے تک کا وقت لگے گا۔ ساتھ ہی نوٹ تبدیل کرنے کا پہلا دن ہونے کی وجہ سے آج بینکوں میں افرا تفری کا ماحول ہونے کے آثار کی وجہ سے تمام ریاستوں کی پولیس نے بینکوں کی حفاظت کے لئے مکمل انتظام کیا ہے۔
ہنگامے کو روکنے کے لئے دہلی پولیس کے جوان اے ٹی ایم پر بھی تعینات رہیں گے، تاہم اے ٹی ایم جمعہ سے کام کرنا شروع کریں گے۔ وہیں ہریانہ میں پولیس والوں کی چھٹیاں منسوخ کر دی گئی ہیں۔ پٹرول پمپ، ہسپتال اور ادویات کی دکانوں پر بھی نظر رکھنے کو کہا گیا ہے تاکہ ان جگہوں پر عوام کو کل تک 500 اور 1000 کے نوٹ کے استعمال میں کوئی دقت نہ آئے۔
About the author
