اڑیسہ میں سڑک حادثے میں 20 کی موت، 30 زخمی

بھونیشور: اڑیسہ میں انگل ضلع کے پرنا منتراکے نزدیک ایک مسافر بس
کے آج صبح پل سے نیچے گر جانے سے کم از کم20 افراد کی موت اور 30 دیگر زخمی ہو گئے ۔
عینی شاہدین نے بتایا کہ بس بودھ سے اتھملک کی طرف جا رہی تھی اور جب وہ پل پر پہنچی تو ڈرائیوربس پر کنٹرول کھو بیٹھا
جس سے بس پل سے تقریبا 50 فٹ نیچے گر گئی۔ حادثے میں 14 لوگوں کی موقع پر ہی موت ہو گئی جبکہ 30 دیگر زخمی ہو گئے ۔
بس میں گنجائش سے زیادہ لوگ سوار تھے ۔
پولیس، انتظامیہ اور مقامی لوگوں نے حادثہ کے بعد فورا بچاو مہم چلاتے ہوئے زخمیوں کواتھملک اور انگل اسپتال پہنچایا۔ سنگین طورپر زخمیوں کو کٹک کے ایس سی بی میڈیکل کالج اینڈ اسپتال بھیجاگیا ہے ۔