صدر جمہوریہ  کی بیٹی نے فیس بک پر فحش میسج بھیجنے والے کو کیا بے نقاب

نئی دہلی : فحش پیغام بھیجنے والوں کے حوصلے اس قدر بلند ہیں کہ اب اہم شخصیات کو بھی شکار بنا رہے ہیں۔ ایسا ہی میسج ایک شخص نے صدر جمہوریہ پرنب مکھرجی کی بیٹی شرمسٹھا مکھرجی کو بھیجا ہے ۔ خود شرمسٹھا نے فیس بک پر اس کی اطلاع دی ہے۔
شرمسٹھا نے کہا کہ ایک شخص پارتھ منڈل مجھے گندی سیکسوئل میسج بھیج رہا ہے۔ میں نے پہلے تو نظر انداز کیا اور پھر اس کو بلاک کر دیا۔ تاہم بعد میں مجھے لگا کہ میری خاموشی اسے مزید شکار کرنے کے لیے اکسا سکتی ہے۔ بلاک کرنا اور اطلاع دینا کافی نہیں ہے۔ مجھے لگتا ہے کہ ایسے لوگوں کو عوامی طور پر سامنے طور پر بے نقاب کرنا اور شرمندہ کرنا ضروری ہے۔ میں اس کے پروفائل اور میسج کا اسکرین شاٹ لگا رہی ہوں۔ میں نے اس کو ٹیگ بھی کر رہی ہوں۔ برائے کرم اس کو شیئر اور ٹیگ کریں ، تاکہ ایسے واقعات کو کوئی ہلکے میں نہ لے۔
بعد میں میڈیا سے بات چیت میں شرمسٹھا نے کہا کہ میں پولیس میں جاؤں گی، میری طرح ہزاروں خاتون ہیں ، جو اس کا شکار ہیں۔ کیونکہ میں صدر جمہوریہ کی بیٹی ہوں ، تو شاید پولیس تھوڑا ایکشن لے۔ میں اس صورت حال سے عام خاتون ہونے کے ناطے لڑنا چاہتی ہوں ۔ میں صدر جمہوریہ کی بیٹی ہوں ، اس لیے مجھے خاص برتاو نہیں ہونا چاہئے۔ میں درخواست کروں گی کہ اسی اسٹیج کا استعمال کر کے ایسے لوگوں کو بے نقاب کریں اور خاموش نہ بیٹھیں۔