ہردوئی میں ٹریکر ٹرالی الٹ جانے سے دو ہلاک، 14 زخمی

ہردوئی: اترپردیش میں ضلع ہردوئی کے مادھو گنج علاقہ میں آج بہوجن سماج پارٹی (بی ایس پی) کی ریلی میں جا رہی ٹریکٹر ٹرالی الٹ جانے سے دو نوجوانوں کی موت ہوگئی جب کہ 14 دیگر سنگین طور سے زخمی ہوگئے ۔پولیس ذرائع نے یہاں بتایا کہ علاقے کے ردامؤ گاؤں کے سامنے بلہور کٹرا سڑ ک پر بی ایس پی ریلی کیلئے جا رہی ٹریکٹر ٹرالی الٹ گئی۔ اس حادثے میں وروری گاؤں کے رہنے والے جے نارائن (46) اور سنیل کمار (32) کی موت ہوگئی۔رودامؤ جکھوا دیوی مندر کے احاطہ میں بی ایس پی لیڈر نسیم الدین صدیقی کی ریلی کا انعقاد کیا گیا تھا۔ ریلی میں شرکت کرنے کیلئے گاؤں والے ٹریکٹر ٹرالی سے جا رہے تھے ۔ ٹرالی کے نیچے دبنے سے زخمی ہونے والے لوگوں کو اسپتال میں داخل کرایا گیا ہے ۔