مرکزی  وزیر انوپريا پٹیل کے قافلے پر حملہ

ممبر اسمبلی کو ایس پی کے حامیوں نے پیٹا
پرتاپ گڑھ : مرکزی وزیر انوپريا پٹیل کے قافلہ پر حملہ کیا گیا ہے ۔ بتایا جا رہا کہ اپنا دل کے ممبر اسمبلی آر کے ورما کی ایس پی کے حامیوں نے پٹائی کر دی ہے ۔ رانی گنج تھانے کے سامنے پٹائی سے ناراض ممبر اسمبلی اور مرکزی وزیر انوپريا پٹیل اپنے حامیوں کے ساتھ وارانسی- لکھنؤ قومی شاہراہ پر دھرنے پر بیٹھ گئی ہیں ۔ پورا معاملہ رانی گنج کوتوالی علاقے میں رونما ہوا ۔ ایک طرف ایس پی کے ممبر اسمبلی کی کارکن کانفرنس تھی تو دوسری طرف مرکزی وزیر انوپريا پٹیل کا یہاں تین اسمبلیوں میں روڈ شو تھا ۔ بتایا جا رہا کہ جیسے ہی انوپريا کا قافلہ رانی گنج پہنچا ، تبھی دوسری طرف سے آ رہے ایس پی حامیوں کے چلتے روڈ جام ہو گیا ۔
وشوناتھ گنج سے رکن اسمبلی آر کے ورما گاڑی سے اتر کر جام ہٹانے لگے ، تو ان کی کہا سنی ہو گئی ۔ تبھی ایس پی کارکن ممبر اسمبلی کی پٹائی کر کے فرار ہو گئے ۔ اس کی اطلاع دینے کے باوجود کوئی بھی افسر موقع پر نہیں پہنچا ۔ اس سے ناراض ممبر اسمبلی اور وزیر نیشنل ہائی وے کے پاور ہاؤس کے نزدیک دھرنے پر بیٹھ گئے اور ملزم کارکنوں پر کارروائی کرنے کی ضد پر اڑے ہیں ۔