چتوڑگڑھ :  راوت بھاٹا میں بارود فیکٹری میں دھماکہ

3 منزلہ عمارت زمین دوز، 4 ہلاک
چتوڑ گڑھ ضلع کے راوت بھاٹا میں جمعرات کی شام ایک بارود فیکٹری میں دھماکہ ہو گیا۔ دھماکے ہوتے ہی علاقے میں افرا تفری مچ گئی۔ یہ دھماکے شری پورا بارود فیکٹری میں ہوا ۔ بتایا جا رہا ہے اس حادثے میں چار افراد کی موت ہو گئی ہے جبکہ کئی زخمی ہو گئے ہیں۔ شدید طور پر زخمی ایک نوجوان کو کوٹا ریفری کردیا گیا ہے۔ دھماکہ اتنا زبردست تھا کہ تین منزلہ عمارت زمین دوز ہوگئی۔ وہیں حادثے کی اطلاع ملتے ہی راوت بھاٹا پولیس جائے واقع پر پہنچ گئی ہے۔ خبر لکھے جانے تک چتوڑ گڑھ ایس ڈی ایم، ایس پی ، سی او موقع پر موجود تھے۔ تاہم دھماکہ کی وجوہات کا ابھی تک کوئی پتہ نہیں چل سکا ہے۔