اوما بھارتی کے پی ایس او نے خودکشی کی

بھوپال: مرکزی وزیر اوما بھارتی کے ایک پرسنل سکیورٹی آفیسر ( پی ایس او) نے اپنی سروس ریوالور سے خود کو گولی مار کر خود کشی کر لی۔ٹی ٹی نگر، سٹی پولس سپرنٹنڈنٹ ستیش سمادھیا نے یو این آئی کو بتایا کہ محترمہ بھارتی کے پی ایس او رام موہن دونیریا کا کل رات کسی بات پر اپنی بیوی سے جھگڑا ہو گیا۔

اس کی بیوی نے تنازعہ بڑھنے پر ڈائل 100 پولس کو بلا لیا۔ پولس اہلکاروں نے دونوں کے درمیان تنازعہ ختم کرنے کی کوشش کی، لیکن ایسا نہیں ہونے پر دونوں کو نزدیکی پولس تھانے لے جایا جا رہا تھا۔ اسی دوران پی ایس اونے اپنی سروس ریوالور سے خود کو گولی مار لی۔شدید زخمی حالت میں پی ایس او کو ضلع اسپتال لے جایا گیا، جہاں ڈاکٹروں نے انہیں مردہ قرار دے دیا ۔ اس سلسلے میں جوڈیشل مجسٹریٹ مہندر سنگھ سولنکی نے جوڈیشل انکوائری کا حکم دیا ہے ۔ لاش کو پوسٹ مارٹم کے لئے بھیج دیا گیا ہے ۔