سلطانپور میں باراتیوں کی کار نہر میں پلٹی، چار افراد ہلاک

سلطانپور : اترپردیش میں سلطانپور کے جے سنگھ کوتوالی علاقے میں اتوار کو باراتیوں سے بھری ایک گاڑی بے قابو ہوکر نہر میں پلٹ گئی جس پر سوار چار باراتیو ں کی ڈوبنے سے موت ہوگئی۔

پولس ذرائع کے مطابق ضلع جونپور کے مہراج گنج علاق ہ کے لھمن گاؤں کے باشندے محمد یونس کے بیٹے احسان کی بارات سلطانپور کے جے سنگھ علاقہ میں کرتوروا گاؤں کے باشندے محمد وسیم کے یہاں آئی تھی۔ شادی انجام پانے کے بعد شام کو گاڑی میں سوار کچھ باراتي واپس آ رہے تھے ۔ اس دوران پیڑھی-دیارہ روڈ پر شاردا سیکشن 16 کے نزدیک باراتیو ں سے بھری کار بے قابو ہو گئی اور پلیا سے ٹکراکر نہر میں جا گری۔ اس حادثے میں گاڑی میں سوار چار باراتیو ں کی موت ہوگئی۔

موقع پر پہنچی پولیس اور دیگر باراتیو ں نے مرنے والوں کی شناخت جونپور کے سجان گنج کے باشندے پنٹو یادو (26)، شاہ رخ خان (24) اور پلک دھاری (38) کے طورپر کی ہے جبکہ ایک کی شناخت نہیں ہو سکی ہے ۔