قومی۔ گورکھپور سے دہلی کے لئے شروع ہونے جا رہی یہ ‘ہمسفر’ ٹرین قابل دید ہے۔ جمہوری اتحاد (این ڈی اے) حکومت کے آخری ریل بجٹ میں اعلان کی گئی مختلف خصوصیات سے آراستہ ہمسفر ایکسپریس اب پٹریوں پر دوڑنے کے لیے تیار ہے اور پہلی گاڑی آنند وہار ٹرمینل سے گورکھپور جنکشن کے درمیان اسی ماہ شروع ہونے جا رہی ہے۔
ریلوے کے وزیر سریش پربھو نے یہاں صفدر جنگ اسٹیشن پر ہمسفر ایکسپریس کے پہلے ریک کا جائزہ لیا۔ اے سی 3 زمرے کے 22 کوچز کا یہ پہلا ریک رائے بریلی ریل ڈبہ کارخانہ میں تیار کیا گیا ہے۔ مهامنا ایکسپریس کے بعد نئے رنگ روپ میں اور نئی سہولیات سے آراستہ ہمسفر ایکسپریس گاڑیوں کو اس سال کے ریلوے ٹائم ٹیبل میں شامل کیا جا چکا ہے۔
تین دیگر ہمسفر ایکسپریس سيالده سے جموں توی (ہفتہ وار)، درگ سے حضرت نظام الدین (ہفتے میں دو دن) اور تروپتی سے جموں توی (ہفتہ وار) تک چلائی جائیں گی۔
ہمسفر ایکسپریس پوری طرح سے ائیر کنڈیشنڈ 3 زمرے کے ڈبوں والی گاڑی ہوگی۔ سرکاری ذرائع کے مطابق ٹرین خدمات اسی ماہ سے شروع ہو جائیں گی۔ اگرچہ ابھی تاریخ کا فیصلہ باقی ہے۔
