پرتاپ گڑھ: اترپردیش میں پرتاپ گڑھ کے فتن پور علاقہ میں آج ٹرک اور ٹیمپو کے درمیان ہونے والے تصادم میں نو افراد ہلاک اور چھ زخمی ہو گئے ۔
علاقائی افسر گیا دت مشرا نے بتایا کہ جونپورکے رہنے والے کچھ افراد ایک ٹیمپو پر سوار ہو کر ماتاجی کے ‘درشن’ کے لئے سبنتھا علاقہ میں واقع مندر جا رہے تھے ۔ دریں اثنا، نیشنل ہائی وے پر جگن پو ر موڑ کے قریب ایک تیز رفتار ٹرک نے ٹیمپو کو ٹکر مار دی۔اس حادثے میں نو افراد کی جائے حادثہ پر ہی موت ہو گئی اور چھ افراد زخمی ہوگئے ۔ زخمیوں کو ضلع اسپتال میں داخل کرایا گیا ہے ۔
