جونپور : اتر پردیش کے ضلع جونپور کے مونگرا بادشاہ پور علاقہ میں آج صبح ایک 25 سالہ نوجوان کا قتل کردیا گیا ۔ اس کی لاش سڑک کنارے ملی ہے ۔ اس کے سر سے خون بہ رہا ہے ۔
پولیس کے مطابق مونگرا بادشاہ پور علاقہ میں بڑا گاؤں کے پاس ایک نا معلوم نوجوان کی لاش برآمد ہوئی ہے ۔ جائے حادثے کے جائزہ سے یہ اندازہ ہوتا ہے کہ کسی دوسرے مقام پر اس کا قتل کیا گیا ہے اور پہچان چھپانے کے لئے لاش یہاں پھینکی گئی ہے ۔ نوجوان کے سر سے خون بہ رہا ہے ۔
واقعہ کی اطلاع ملنے پر پولیس موقع پر پہنچ کر معاملے کی جانچ کررہی ہے ۔ ابھی تک مقتول کی پہچان نہ ہوسکی ہے ۔
